باش توقف على الاختلالات للي فيها.. مهمة استطلاعية مؤقتة غادي تدير زيارات ميدانية لعدد من محاور "طرق السيارة" فبلادنا

علمت "كود" أن مهمة استطلاعية مؤقتة غادي تدير زيارات ميدانية لعدد من المحاور في الطرق السيارة للوقوف على الاختلالات اللي كتعرفها. مصدر برلماني قال ل"كود" إن هاد الزيارة غادي تبدا غدا الثلاثاء وغادي تستمر لبعد يوم غد الأربعاء.
وينتظر أن تزور هاد اللجنة البرلمانية عدد من المحاور الطرقية بحال برشيد ومراكش وأكادير وسطات ومطار محمد الخامس، وغيرها.
وقال مصدر "كود" إن المهمة الاستطلاعية ينتظر أن تقف على حجم الاختلالات اللي كتعرف طرق السيار فبلادنا، بالإضافة إلى التدقيق في ظروف وملابسات عدم توصل مقاولات وشركات تربطها شراكة مع شركة طرق السيار بمستحقاتها.