الأسود بداو كيوجدو لثمن نهائي كوب دافريك ضد جنوب أفريقيا بحصة تدريبة وها اللاعبين اللي شاركو فيها وشنو خدم معهم الركراكي

بدا المنتخب الوطني المغربي كيوجد لماتش ثمن نهائي كاس افريقيا 2023، اللي غيلعبو ضد منتخب جنوب إفريقيا الثلاثاء الجاي فمدينة سان بيدرو الايفوارية.
ودار المنتخب الوطني المغربي اليوم الخميس اول حصة تدريبة بعد ماتش زامبيا اللي ربحو البارح الاربعاء، ضمن مرحلة المجموعات، كانت الحصة مسدودة فتيران التداريب فسان بيدرو.
وشارك فهاد الحصة التدريبية اللي كانت فيها ساعة و30 دقيقة تقريبا، اللاعبين اللي ما لعبوش رسميين فالمباراة ضد المنتخب الزامبي،أما اللاعبين اللي لعبو الماتش دارو حصص للاسترجاع الطراوة البدنية والاستشفاء.
وركز الناخب الوطني وليد الركراكي، خلال الحصة التدريبية ديال اليوم على الجانب التقني والبدني.