ها كيفاش تابعو المغاربة ماتش الأسود مع زامبيا من التيران: أغلبهم جاو من أبيدجان وخا بعيدة الطريق على سان بيدرو

شافت "كود" عدد من المغاربة فالتيران ديال سان بيدرو اللي احتضن مباراة أسود الأطلس مع منتخب تانزانيا وسالا بفوز المنتخب الوطني ب3 أهداف مقابل لا شيء.
وكيف عرفات "كود"، فإن عدد المغاربة اللي عايشين فالكوديفوار اللي حضروا لهاد الماتش مكانش بزاف بسبب بزاف ديال العوامل، منها البعد اللي كاين بين مدينة أبيدجان وسان بيدرو. المسافة بين هادي المدينتين فايتة 360 كلم.
أما المغاربة اللي خارج الكوت ديفوار وتابعوا الماتش من التلفزة، فعدد منهم كان صعيب يجي ويخوي بلادنا حقاش المشكلة بالدرجة الأولى كاين فأسعار الطيارات اللي مزال طالعة، لكن تقدر تنزل خلال الأيام المقبلة، بالإضافة إلى كون الوصول إلى الإقامة "جحيم".
كاميرا "كود" رصدات الأجواء داخل التيران، والمغاربة كانوا ناشطين والفرحة كملات بالثلاثية، والأغلب ديالهوم عايشين هنا ف الكوت ديفوار.