تصاور.. حجز 140 كيلو ديال لحم الدجاج الخانز فطريقها الى صحاب الشاورما بكازا فمستودع عشوائي بالسوالم

الجندارم ديال السوالم الطريفية نواحي برشيد ،تمكنو البارح من مداهمة مستودع سري ديال دجاج الخانز بمنطقة الخلايف قربة مولاي الثهامي بالسوالم الطريفية وحجز حوالي 140 من كيلو من لحم الدجاج الفاسد بهذ الوحدة العشوائية.
المصدر ديال "كود "قال ،ان هذ الكمية ديال الدجاج الخانز لي حجزاتها مصالح الدرك الملكي كان معد للاستهلاك ،و في طريقها الي المطاعم لي تتصوب الشوارمة بكازا ،فيما لازال البحث جاري على مول هذا المستودع .
المصدر ذاته قال ،ان عناصر الدورية لي داهمات هذا الوحدة العشوائية ديال دجاج الخانز حجزو كذلك معدات لي التصنيع والتقطيع والتلفيف الأمر الذي جعلها تربط الاتصال بالنيابة العامة المختصة لي عطلت امر ديال الحجز على المصنع الذي لا يتوفر على الترخيص مجهول مولاه .