الوداد كيوجدو للماط وشادين الطريق لتطوان وها جديد الحمرا

كيوجدو الوداد الرياضي لماتش الفريق ضد المغرب التطواني غدا الاحد فسانية الرمل فتطوان، ضمن الدورة 15 من البطولة الاحترافية لكرة القدم.
وعرفت الحصة التدريبية الاخيرة للوداد الرياضي، قبل ماتش المغرب التطواني، رجوع الجزائري إلياس الشتي اللي كان موعت، واستمرار غياب رأسن زولا اللي مريض، وغاب كل من هشام بوسفيان وزهير المترجي اللي موقفين من طرف ادارة النادي بسبب السلوك ديالهم فالديربي مع المدرب فوزي البنزرتي، اللي كيحاول دابا هو والمساعد ديالو محمد مديحي يخرجو الفريق من الوضع الصعب اللي كيعيشو بسبب النتائج السلبية الأخيرة، وآخرها الخسارة مع الرجاء فالديربي.
الوداد الرياضي وبعدما تدربو فتيران بنجلون اليوم السبت، غيشدو الطريق إلى مدينة تطوان هاد العشية باش غدا يلعبو مع المغرب التطواني فماتش مهم بزاف للواك وخاصهم يربحو فيه ضروري.