فاخر هاد العام 2023 وبداية 2024 كاين امكانية با تربح المخرجة السينمائية اسماء المدير جائزة كبيرة. كتنافس على اوسكار احسن فيلم اجنبي ب"كذب ابيض" بعد ما تجاوزات المرحلة الاولى. فيلم كينهي سنة رائعة لهذا العمل السينمائي. امكانية يكون من الافلام المتنافسة فجوائز الاوسكار ف10 مارس المقبل واردة اسماء المدير تستحق شخصية السنة فالمغرب. ابداعها خلى العالم يكتاشف الابداع المغربي فالفن السابع. المدير تستحق شخصية السنة فبلادنا حقاش اولا كانت اول مغربية كتفوز بالنجمة الذهبية لمهرجان مراكش الدولي للفيلم. فيلم خدا من المخرجة 10 سنين دالخدمة باش ترجع لسنوات الرصاص باسلوب سينمائي خاص. المجسمات والعرائس كتهدر على انتفاضة الكوميرا 1981. كتهدر على "كذب ابيض" المدير تستاحق شخصية السنة ف2023 حقاش هاد الفيلم ربح واحدة من اهم جوائز مهرجان "كان" الاشهر فالعالم. فدورة 2023 ربح "كذب ابيض" ديال هاد المخرجة فاز بجائزة الاخراج فمسابقة "نظرة ما". مواطنها كمال الازرق كان ربح ب"العصابات" جائزة الاخراج عن نفس الدورة. الفيلم دار دورة حول العالم وفاقل من 80 يوم. ربح قلوب الجمهور واعضاء جوائز التحكيم فاوربا وامريكا واسيا وافريقيا وحتى استراليا. هاد الشي ما عمر قدر لشي عمل سينمائي مغربي يوصل ليه. شخصية 2023 قرات السينما فالمغرب وففرانسا. نتجات افلام وثائقية. جيل جديد من لمغاربة. جيل كيعبر بالصورة علي نظرتو لبلادو. للعالم. جيل كيمثل قدوة للاجيال المقبلة. ما كذباتش المدير باش قارنات بين انجاز المنتخب المغربي لكرة القدم فمونديال قطر باش يوصل لنص النهاية وبين انجازها هي. راها كتلعب فالنيفو العالمي للابداع. اسماء المدير بشخصية 2023 بامتياز
