وزارة الخارجية الإسبانية قريب تعين سفير جديد ف الرباط وها اللي مرشح لهاد المنصب

قالت جريدة "ذا أوبجيكتيف"، إن وزير الشؤون الخارجية الإسباني، خوسيه مانويل ألباريس، كيقلب على بروفيل ديال دبلوماسي مجرب باش يتعين ف الأشهر المقبلة سفير جديد ف المغرب بلاصة رئيس البعثة الدبلوماسية الحالية، ريكاردو دييز هوخلايتنر، اللي دوز كثر من 8 سنين فهاد المنصب وبلغ سن التقاعد الوظيفي اللي هو 70 سنة ف الخارجية.
وأضافت التقارير ذاتها، نقلا عن مصادر دبلوماسية، أنه مع تعيين قيادات الحزب الاشتراكي العمالي ف الحكومة وانتخاب وزراء اشتراكيين سابقين لشغل سفارات مهمة مثل الأمم المتحدة أو اليونسكو. كان القلق قد انتشر بين بعض الدبلوماسيين الأجانب من أن الوزير غادي يختار سفير سياسي آخر للرباط.
ووفقا للصحيفة الإيبيرية، يقوم رئيس الدبلوماسية الإسبانية بالفعل بدراسة العديد من البروفيلات لإدارة السفارة في المغرب. ومن بينهم السفير الحالي ف الهند، خوسيه ماريا ريداو ، اللي كان نائب مدير صحيفة إلباييس حتى بداية عام 2021، قبل ما يرجع للعمل الدبلوماسي ويتعين ف يوليوز 2021 ف نيودلهي.
السفير ريداو، حاصل على ليسانس الحقوق، يتقن اللغة العربية، معروف في المغرب العربي بصداقته مع الكاتب الراحل خوان غويتيسولو، اللي كان ديما كيزورو ف المدينة الحمراء مراكش.
https://theobjective.com/espana/politica/2023-12-23/albares-diplomatico-embajador-marruecos/?amp