واش كاين شي تأثير على أنبوب الغاز مع المغرب.. نيجيريا باغية تعزز العلاقات مع البوليساريو

Elouali.zaz.1987@gmail.com
قالت جبهة البوليساريو، أن زعيمها إبراهيم غابي توصل برسالة جوابية من الرئيس النيجيري بولا أحمد أديكونلي تينوبو، ردا على رسالة التهنئة اللي بعثها ليه بمناسبة الذكرى ال 63 لاستقلال نيجيريا.
ونقلات البوليساريو عن الرئيس النيجيري قوله في الرسالة إنه "يتطلع لتعزيز العلاقات" مع البوليساريو، وأن نيجيريا ملتازمة ب "السلام والأمن والحكم الديمقراطي في القارة الإفريقية".
مسألة تعزيز العلاقات يمكن تكون عادية فظل إعتراف نيجيريا بجبهة البوليساريو ومواقف نيجيريا لي ضبابية من نزاع الصحراء، ولكن هو واش ممكن تكون هناك إنعكاسات لتلك العلاقات على العلاقة المغرب، خاص الشق المتعلق بأنبوب الغاز ؟
نيجيريا مختالفة على جنوب أفريقيا، نيجيريا واخا معتارفة بالبوليساريو مخلية زخم العلاقات مع المغرب وحتى مسألة أنبوب الغاز غادي فالطريق، ومبعدة لأكثر مسافة تقدر عن نزاع الصحراء، ولكن هاد الإبتعاد غادي يجي نهار وتكون خاصها تحسم فموقفها من نزاع الصحراء، لان هاد الأنبوب غادي يدوز من الصحرا، وما كاينة حتى آلية باش تتفادى الإصطدام مع المغرب يا معايا يا ضدي.