سيلينا گوميز منوضة قربالة.. تصاحبات مع البيست فراند دالإكس ديالها

مكينش دابا لي مكيهضرش فميريكان على المغنية المشهورة سيلينا غوميز، بعدما نتاشر خبر كيقول أنها تصاحبات مع صاحب حبيبها السابق، المغني جيستن بيبر.
كتقول الصحافة فميريكان أن غوميز دابا فعلاقة حب مع المنتج المشهور بيني بلانكو لي كان صاحب جيستن بيبر مزيان.
واخا سيلينا ويليامز قالت فواحد اللايف هادي شي يامات أنها "باقا سيليباطير" فضحات راسها بواحد السيلفي حطاتو على إنستغرام مع واحد الراجل، ولي هو المنتج لي هضرنا عليه.
وبيني هو منتج موسيقي سبق وخدم مع سيلينا ف بزاف د الأغاني بحال Same old love وKill em with kindness، وكذلك أغنية I cant get enough في عام 2019.
دابا الناس كتسول كيفاش غادي تولي العلاقة ديال المنتج بيني وجيست بيبر مستقبلا خاصة وأنهم كانت بيناتهم علاقة صداقة قوية شحال هادي.