زينباور: تصدر الرجاء للبطولة دليل أننا فالطريق الصحيح.. هادشي بفضل المستوى الممتاز ديالنا والمكتب وجمهورنا الأحسن فالعالم

أكد الألماني جوزيف زينباور مدرب الرجاء الرياضي أن الفريق غادي فالطريق الصحيح، بعدما ربح البارح الاحد شباب المحمدية ضمن الدورة 10 من البطولة الاحترافية وتصدر الترتيب، وأن هذا الشي وصلو له بفضل الأداء الممتاز د الفريق والعاملين فيه والمكتب المديري ديال الرئيس محمد بودريقة ودعم الجماهير اللي أكد تاني أنها أفضل جمهور فالعالم.
وخرج جوزيف زينباو مدرب الرجاء الرياضي قبل لحظات من صباح اليوم الاثنين، وقال فتدوينة على "أنستكرام": "بصفتي مدرب الرجاء الرياضي، بغيت نوقف للحظة للإشادة بنجاحاتنا الأخيرة، خدينا صدارة البطولة المغربية، باش نثبتو بذلك أننا غاديين على الطريق الصحيح نحو النجاح المستدام".
وكمل زينباور: "هذا الإنجاز هو نتيجة عملنا الجاد والتزامنا، وجا هذا الرباح بفضل الأداء الممتاز لفريقنا، وجميع الموظفين، ودعم المكتب المديري، وقبل كل شيء، الحب والدعم غير المشروط من جمهورنا، اللي هو أفضل جمهور فالعالم، وكنقولهم حنا محتاجين لكم فالملعب، وراه كل خطوة كنديروها فطريقنا نحو النجاح هي شهادة على قوة ووحدة نادينا كامل".