فيلم جديد من واحد المسلسل داير البوز فميريكان.. حقق عائدات كبيرة فالويكاند لي فات

فيلم جديد داير البوز ف ميريكان، وهو دابا لي كيتصدر شباك التذاكر في كاع شمال أمريكا، على حساب ما كشفات الأرقام في الويكاند لي فات.
هاد الفيلم الجديد، جا من مسلسل "هانغر غايمز" The Hunger Games: The Ballad of Songbirds & Snakes.
على حساب ماقالت الصحافة ديال شمال أمريكا فالفلوس لي دخل هاد الفيلم هي الأعلى كاع من بين جميع الأفلام ووصلات ل44 مليون دولار.
هاد الفيلم ولي هو الخامس في سلسلة "هانغر غايمز"، كيلعب فيه دور البطولة كل من توم بليث ورايتشل زيغلر وبيتر دينكلايج وجايسن شوارتسمان.
وجا في المركز الثاني "ترولز باند توغيذر" Trolls Band Together وهو فيلم رسوم متحركة كوميدي من إنتاج "دريمووركس" و"يونيفرسال بيكتشرز"، ولي حقق عائدات وصلات ل 30.6 مليون دولار.