مغني مشهور لغاو ليه گاع الحجوزات دلوطيلات فالأرجنتين حينت كيدعم الفلسطينيين

قررات بزاف ديال لوطيلات فالأرجنتين تلغي الحجوزات لي دارها المغني النگليزي روجر ووترز لي كيستعد يدير واحد الحفلة تما، بسباب الانتقاد ديالو لإسرائيل.
المغني المشهور، دار حجز شحال هادي ودابا كيتفاجأ أنهم لغاوه ليه، بحجة أنهم كيعاودو يرتبو الغرف"، ومللي حول الطلب ديالو لبلاصة خرا قالو ليه نفس الشيء.
من بعد فهم المغني ديال بينك فلويد أنه "ممنوع من الفنادق" وقال في واحد التغريدة ديالو: "هذا هو اللوبي الصهيوني لي كيضغط بكل الثقل ديالو، وهادشي مثير للشفقة".