فحادث غريب.. طيارة تقطع ليها لفران ودخلات فطوموبيلا فميريكان

هادشي كان كيوقع غير للطوموبيلات، ولكن دابا وللا كيطرا حتى للطيارات، لي حتى هما كيتقطع ليهم الفران وكيديرو الكسايد في الطرقان.
الكسيدة وقعات في ميريكان نهار الاحد لي فات، مللي نزلات واحد الطيارة خفيفة من طراز Lancair IV-P Propjet اضطراريا فواحد المطار فولاية تكساس، ومقدرش البيلوط يحبسها بسباب مشكل ف لفران وهي تدخل في الطوموبيل.
وبينات فيديوهات انتاشرات على السوشيال ميديا كيفاش وقعات هاد الكسيدة وكيفاش دخلات في الطوموبيلا.
لحسن الحظ، هاد الكسيدة مادارت حتى شي خسائر في الأرواح ولا إصابات.