أمين الضور والمكتب ديالو رضخوا لمطالب جماهير الحسنية ومشاو بحالهم باستقالة جماعية

قرر رئيس حسنية أكادير أمين الضور والمكتب المديري ديالو، يخاليو النادي ويمشيو بحالهم بعد المطالب ديال الجماهير برحيلهم.
وعلن أمين الضور رئيس حسنية أكادير هو وأعضاء المكتب المديري للنادي قبل لحظات من اليوم السبت عن استقالتهم الجماعية من الفريق السوسي.
وكتجي استقالة امين الضور والمكتب ديالو من حسنية أكادير، قبل انعقاد الجمع العام اللي كانوا علنو انه غيكون يوم الخميس 23 من هذا نونبر.
وتزادت المطالب برحيل امين الضور وأعضاء المكتب المديري ديال حسنية اكادير، لدرجة ان جماهير النادي خرجت للشارع فأكادير شحال من مرة باش تطالب برحيلهم، بسبب الحالة الصعبة اللي كيعيش الفريق.