روينة ناضت فواحد البواط فتونس.. السكايرية تهازو ولكليان هربو بلا ما يخلصو مول المحل

تحولات واحد السهرة دارها مغني راب في واحد البواط دو نوي بمحافظة سوسة لي كاينا في شرق تونس إلى "فيلم رعب"، بعدما تشبكات بين الحاضرين وناض الضرب والصداع، وهو الأمر لي خلا البوليس يتدخلو ويفتحو تحقيق.
على حساب ما نقلات الصحافة في تونس، فإن المتضرر الكبير من هاد الفوضى كان هو صاحب البواط لي هربو ليه كاع الكليان بلا ميخلصو وتسسبو ليه في خسائر كبيرة.
وقال وسام الشريف الناطق الرسمي باسم المحكمة الابتدائية في سوسة، أن المحكمة توصلات بمعطيات على هاد الحادثة، لي أدت إلى بزاف د الإصابات وتخريب المحل.
نفس المتحدث أكد أن السلطات دايرة أونكيط باش تحدد المتورطين وتعرف ملابسات الحادث.