بطلب من الجيش د إسرائيل.. غوغل وآبل و Waze وقفو خدمات الخرائط ديالهم في فلسطين

قررات شركة غوغل الميركانية أنها توقف التحديثات ديال حركة المرور في فلسطين، وذلك بسبب الحرب في غزة.
وعلى حساب ماقالت وكالة "بلومبورغ" الميريكانية، فهاد القرار جا بطلب من الجيش ديال إسرائيل.
المصدر نفسو قال إن شركة آبل حتى هي دارت نفس الأمر في تطبيقات الخرائط لي كاينين في التيليفونات ديالها.
ومن غير غوغل وآبل، فحتى تطبيق Waze دار نفس البلان ديالو بناء على نفس الطلب من الجيش د الاحتلال.
وهادي ماشي المرة اللولى لي كيديرو فيها هاد البلان، حيت سبق ليهم دارو نفس الأمر ف الحروب السابقة لي كانت في غزة.