عادل رمزي: طيارة إنييمبا اللي تعطلت ما غتربحناش وها اللي غيأثر فنتيجة الماتش

اعتبر عادل رمزي مدرب الوداد الرياضي أن حادث تأخر طائرة إنييمبا فالوصول إلى المغرب، ما غيأثرش على نتيجة الماتش بين الفريقين غدا الخميس، ضمن إياب ربع نعائي السوبر ليك الأفريقي.
عادل رمزي تحدث فالندوة الصحافية اللي كتسبق ماتش الوداد الرياضي وإنييمبا النيجيري، وقال: "الطيارة اللي تعطلت ديال إنييمبا ممكن تلعب لصالحنا ولكن ما نطنش تأثر على نتيجة الماتش، والفريق اللي مركز وغيقدم أداء مزيان هو اللي غيربح".
وتحدث عادل رمزي على الجانب البدني، وقال: "بالنسبة للعامل البدني ممكن يأثر مع الوقت ولكن مازالين يالاه فالماتش الثاني ويقدر يتغلب عليها اللاعب ذهنيا، وما حد المباريات كتزاد ما حد اللاعبين كيشدو الريتم".