المنتخب المغربي تعادل مع الكوت ديفوار فماتش ما كانش ساهل

تعادل المنتخب الوطني المغربي لكرة القدم مع منتخب الكوت ديفوار اليوم السبت فأبيدجان، فماتش أميكال بين المنتخبين إعدادي لكوب دافريك 2023.
وسالا الماتش بين المغرب والكوت ديفوار بنتيجة التعادل الايجابي واحد لواحد، وكانو الايفواريين هما الاولين اللي ماركاو فالشوط الاول بواسطة لويس كاسيطا وكانو يخرجو رابحين بكثر لولا التدخلات ديال الدفاع المغربي والكول ياسين بونو.
وفالشوط الثاني قدر المنتخب الوطني المغربي يرجع فالنتيجة، وتمكن البديل أيوب الكعبي هداف البطولة اليونانية من تسجيل التعادل ليكيب ناسيونال فالدقيق 81، وهكذا سالاو المنتخبين بالتعادل واحد لواحد.
للاشارة فالمنتخب المغربي غيرجع مباشرة بعد هذا الماتش من الكوت ديفوار إلى المغرب، باش يلعب ضد ليبيريا يوم الثلاثاء الجاي ماتش مؤجل عن إقصائيات كاس أفريقيا 2023.