2 لاعبين مهمين فالمنتخب المغربي غايبين على الاسود فالاختبار المهم ضد الكوت ديفوار قبل كوب دافريك

غيكون كل من حكيم زياش نجم كلطة سراي التركي وسفيان أمرابط نجم مانشستر يونايتد النكليزي أبرز الغايبين على ماتش الودي المنتخب الوطني المغربي اليوم السبت ضد الكوت ديفوار فأبيدجان.
حكيم زياش واخا كاين مع المنتخب المغربي فالكوت ديفوار قرر الناخب الوطني وليد الركراكي الركراكي ما يغامرش به حيث ديجا عندو اصابة جا بها من الفريق ديالو وغيخليه مرتاح اليوم ضد المنتخب الايفواري.
وبخصوص سفيان أمرابط فاللاعب ما كاينش لا ضد الكوت ديفوار ولا ضد ليبيريا، وقرر الناخب الوطني وليد الركراكي يخليه يرتاح مع مانشستر يونايتد حيث ضارو ظهرو، وباش تكون فرصة انه يكتشف الموهبة أمير ريتشاردسون.