الجزائري بن شيخة كان عايش فسلام فالمغرب ملي رجع للجزائر تعداو عليه واخا ربحهم 2 ألقاب عمرهم حلمو بها

قرر المدرب الجزائري عبد الحق بن شيخة، يخلي فريق اتحاد العاصمة الجزائري، ويمشي بحالو بعدما سبوه وعبروه واخا ربحهم 2 ديال الالقاب إفريقية.
وحط المدرب عبد الحق بن شيخة اليوم الاثنين، استقالتو من تدريب لاتحاد العاصمة، عقب تلقيه وابل من السب والشتم فباب ملعب النادي ملي كان كيستعد لقيادة الحصة التدريبية، حسب ما كشف الفريق.
اتحاد العاصمة قالو بلي مجموعة من المشجعين كانوا فباب الملعب كيتسناو اللاعبين والمدرب وغير وصل عبد الحق بن شيخة حتى بداو عليه بكلام خايب يندى له الجبين، الأمر اللي خلاه يقدم استقالتو مباشرة معلنا أنها "لا رجعة فيها".
للإشارة فعبد الحق بن شيخة درب فالمغرب كثر ما درب فالجزائر، وديما كانوا المغاربة كيتعاملو معاه بحب واحترام وتقدير، وفالجزائر واخا ربح مع اتحاد العاصمة كاس الكاف وكاس السوبر الأفريقي تعداو عليه وعايروه.