خطوة مهمة من عادل رمزي ولاعبين الوداد قبل ماتش اتحاد طنجة

كيعيشو الوداد الرياضي أجواء زوينة قبل ماتش الفريق امام اتحاد طنجة، اللي غيتلعب اليوم السبت فتطوان ضمن الدورة 6 من البطولة الاحترافية لكرة القدم.
وخرج عادل رمزي مدرب الوداد الرياضي اللاعبين هذا الصباح يديرو دورة ف marina smir، باش يبدلو الجو شويا ويخرجو من ضغط الماتش، وكانوا حتى هما ناشطين وموتيفين، وحيبانو مرتاحين عارفين كيفاش يتعاملو مع لابريسيون قبل المباراة.
وكان الوداد الرياضي سافر البارح فالبراق من كازا لطنجة، بعدما سالاو الاستعدادات فتيران بنجلون، وغيمشيو هذه العشية لتطوان يلعبو ضد اتحاد طنجة فسانية الرمل، فماتش باغيين يربحوه باش ياخدو صدارة البطولة.