بسباب فضيحة كونكور عمادة FST سطات وحضور الميراوي.. مجلس جهة كازا هرب دورة أكتوبر من قاعة الندوات بجامعة الحسن الأول لقاعة مدگدگة

واخا قاعة الندوات "الكاك" على مدخل جامعة الحسن الأول بسطات هي أجمل وأهم قاعة كان ممكن يتنعاقد فيها إجتماع لمجلس جهة الدار البيضاء سطات خارج البناية التاريخية فكازا، جات معلومات ان ذاك الحلم ديال اللي كان عند رئيس جامعة الحسن الأول باش يعقدو المجلس عندو تبخر طار.
مصادر خاصة ديال "گود" أكدات ان الاجتماع اللي غادي يكون هو دورة اكتوبر نهار الاثنين 02 أكتوبر تهرب القاعة الكبرى للعمالة بدا الجامعة.
طبعاً هاد الشي بسباب الفضيحة ديال كونكور كلية العلوم والتقنيات بسطات لي تم التلاعب فيه، وحضور عبد اللطيف الميراوي وزير التعليم العالي والبحث العلمي والابتكار طبعا ماشي بصفتو الوزارية ولكن بصفتو عضو مجلس جهة الدار البيضاء سطات، خافو يكونو إحتجاجات عليه خصوصا الاساتذة اللي عندهم مشاكل كبيرة مع بوشعيب بنشرقي اللي هو باغين يحطوه صحة عميد ديال ليفيستي، عندهم مشاكل مع فمركز الدكتوراه اما مول الشركة فراه كارية عظمى.