الرجاء بداو يفرقو ليكارط دالتيران على جمهورهم

غيبداو الرجاء الرياضي إبتداء من اليوم الثلاثاء، يفرقو ليكارط على الجماهير ديالهم اللي تأبونات باش تفرج فليماتش ديال الفريق فهاد الموسم الرياضي.
وبدات اليوم مع 10 الصباح عملية توزيع بطائق الاشتراك السنوي وبطاقة "رجاوي"، الخاصة بالتيران على الرجاويين، وغيسبقو الطلبات اللي دفعو ماليها قبل 14 شتنبر، وغيبقاو يفرقو فيهم فتيران البيرجيكو حتى 7 العشية.
أما الطلبات اللي تدفعت ابتداء من 15 شتنبر، غيبداو يفرقو ليكارط على ماليهم انطلاقا من 25 شتنبر مع 10 الصباح حتى 7 الليل فتيران البيرجيكو، وغتكون حتى ليفريزون بالنسبة للجماهير اللي بغات يوصلوها ليكارط فالعناوين ديالها وغتبدا هذه العملية اليوم الثلاثاء وغتبقى حتى كلشي ياخذ لاكارط ديالو.