مدرب مانشستر يونايتد: امرابط ما لاعبش معنا الماتش الجاي حيث توعت مع المغرب ومعولين عليه فشومبيونزليك

ما غيلعبش الدولي المغربي سفيان امرابط مع الفريق ديالو الجديد مانشستر يونايتد النكليزي، غدا السبت فماتش الفريق مع برايتون فبطولة النكالزا.
وكشف مدرب مانشستر يونايتد اريك تين هاك فتصريح اليوم الجمعة على قناة الفريق، أن النجم المغربي سفيان امرابط كان غيلعب مع المان يونايتد فالماتش الماضي ضد أرسنال، ولكن وقعت شي أمور خلاتهم يتعطلو فترقيع الصفقة ما بين النادي واللاعب داكشي علاش غاب، ومن بعدها مشى يلعب مع المنتخب المغربي وتوعت فالمعسكر ديالو، وهذا الشي علاش ما غيلعبش ضد برايتون.
مدرب مانشستر يونايتد أكد أن سفيان أمرابط قريب يبرى، وأنهم معولين على الكلادياتور المغربي مول 27 عام مهم بالنسبة لهم، ومعولين عليه فالتحديات المقبلة ومن بينها المنافسات ديال دوري ابطال اوروبا اللي غيبداها الفريق النكليزي بمواجهة بايرن ميونخ الالماني فمرحلة ليكروب الاربعاء الجاي.