واش الياس العماري عندو بطاقة الصحافة؟ مصدر من المجلس ل"كود": اللا والمعني بالامر: حنا فالزلزال ماشي هادا موضوعنا

واش الياس العماري عندو بطاقة الصحافة؟ مصدر من المجلس ل"كود": اللا والمعني بالامر:
البارح لخميس 14 شتنبر 2023 بان الياس العماري الامين العام السابق لحزب الاصالة والمعاصرة والرجل القوي لسنوات٬ ك"زميل صحافي" كيدير التغطية للزلزال من الحوز دار تغطية صحفية. دار مراسلة.
الموضوع كان حديث ماشي غير الصحافيين بل حتى للسياسيين. مزيان ان سياسي يدير الصحافة اللي ترتابط بيها ففترة سابقة.
"كود" سولات المجلس الوطني للصحافة واش الياس العماري عندو بطاقة الصحافة؟ كاين اللي تردد وكاين اللي رفض يهدر فالموضوع. مصدر ل"كود" اكد باللي "ما عندوش بطاقة الصحافة ل2023". تأكدات "كود" من اكثر من عضو فلجنة البطاقة فالمجلس الوطني للصحافة من هاد المعلومة.
طبعا سولنا ف"كود" المعني بالامر الياس العماري على هاد الموضوع. حتى هو ما ردتش علينا لا باييه ولا باللا. رد علي "كود" بالقول"حنا فالزلزال ماشي هادا موضوعنا".
طبعا من البارح ومن مواضيعنا كان الحديث عن "الزميل الياس العماري".
وكان الياس العماري تكلف باذاعة "كاب راديو" وبدا باجراء حوارات مزيانة مع مثقفين امثال ادونيس وغيرو وغادي يعود عندو برنامج فشبكة برامج هاد الاذاعة اللي باغي يطورها