بقا ليه غير يهز عصى ويسلخهم.. أنفليونسور كيفرق صنادل الميكة على ناس جبل بالغوات والجميل وكيستغل اطفال والسلطات مخلياه – فيديو

الكوميدي سعد عبد دائم غادي يدوز أكفس سيمانة فحياتو بعدما حط بالخطأ فيديو كيبان كينهزر ويغوت على ناس الجبل لي متضررين في زلزال وهو كيفرق عليهم صنادب الميكة. السيد لي الغرض لي به واقيلة هو المشاهدات فانستكَراك كيبان ضاحك ف تصاور لكن الفيديو بقا ليه يهز عصى ويسلخ الناس.
https://www.instagram.com/reel/CxHJuodImQf/?igshid=NjIwNzIyMDk2Mg==
من البارح بليل هو "نجم" الانترنت. كلشي عبر على السخط ديالو من التعامل الحقير لي دار مع الناس. وكين لي نتاقد حتا لباسو وكان وسط الدواور كيدور كيفرنس وهو داير الضحك فراسو
ملي ناض عليه النحل خرج بفيديو كيوضح لكن الناس زادو اكدو ان المساعدة مكتكونش بجميل ولكن بنفس الضحكة لي كيرسم على وجهو ملي يكون يتصور باش ينشر البوسطات فانستكَرام.
دابا فين هي السلطات علاش ما تشدش هاد لمكارم. استغلال اطفال والمتاجرة بالمآسي وزيد وزيد