الاولمبي المغربي ربح البرازيل بطلة الاولمبياد وشوهة الضو اللي تقطع فتيران فاس غطا عليها غير رباح الاشبال

ربح المنتخب الوطني المغربي الاولمبي الضيف ديالو المنتخب البرازيلي بطل الاولمبياد، اليوم الخميس فماتش أميكال فتيران فاس الكبير.
وسالا الماتش بين المنتخب المغربي الاولمبي بطل افريقيا، والمنتخب البرازيلي بطل الاولبياد، بنتيجة واحد لزيرو لمصلحة الاشبال.
وقدر المنتخب المغربي يخطف هدف الرباح فالشوط الثاني من الماتش ضد البرازيلي، بهدف ماركاه زكرياء الواحدي، وراه المباراة ما كانتش ساهلة بين المنتخب.
للاشارة فالماتش بين المنتخب المغربي والبرازيلي نقطع فيه الضو فتيران فاس الكبير، لمدة دقائق، وهذا الشي يقدر يمس بالكرة المغربية والمغرب اللي مرشح لاستضافة كاس افريقيا وكاس العالم، وهاد الشوهة غطا عليها غير رباح الاشبال.