عاجل. فضيحة بوسة روبياليس لفم لعابة صبليونية. رئيس الاتحاد: ما غاديش نستاقل

رئيس الاتحاد الصبليوني لكرة القدم لويس روبياليس ما غاديش يستاقل. هاد الشي علن عليه قبل قليل فاجتماع طارئ للاتحاد بمدريد. روبياليس ردد 5 مرات "ما غاديش نستاقل".
وهاجم روبياليس ما سماه "الفينيمنيزمو فالصو" اي النسويات الفايك. وفنفس الوقت قدم اعتذارو للقصر الملكي على تصرفات غير لائقة دارها بحضور الملكة فنهاية كأس العالم باستراليا.
روبياليس قدم اش دار لهاد الاتحاد باش شدو٬ ورجع لقصة بوسة من الفم للعابة دجينيفير ايرموسو فحفل منح كأس العالم للمنتخب الاسباني للسيدات٬ وقال باللي اللي وقع كان رضائي ماشي فرض على اللعابة وباللي باسها كيف كيبوس بناتو
واكد باللي اللعابة ايرموسو عاشت وضع فشي شكل بعد ما زگلات بيلانتي وسلم عليها وواسها