مونديال السيدات: أستراليا تأهلت للدومي فينال بعدما ربحت فرنسا وقصاتها من ربع النهائي

ودعت فرنسا كأس العالم للسيدات 2023، بأستراليا ونيوزيلاند، من ربع النهائي بعدما خسرت مع منتخب أستراليا مستضيف البطولة اليوم السبت.
وسالا الماتش بين أستراليا وفرنسا بنتيجة التعادل السلبي زيرو لزيرو، فالوقت الأصلي ديالو وحتى الأشواط الإضافية، ومشاو اللاعبات د المنتخبين لضربات الترجيح اللي عطات الرباح لاستراليا بنتيجة 7 مقابل 6.
وبهاد النتيجة تأهل منتخب أستراليا إلى دومي فينال كأس العالم للسيدات وغيلعب مع الرابع من ماتش ربع النهائي بين إنجلترا وكولومبيا، أما منتخب فرنسا عجز مرة أخرى على تجاوز الربع.