71 عام وهو مخبي عليها.. رجل أعمال تركي اعترف لخدامتو أنه باها الشرعي

صحف تركية قالت إن امراة كتخدم عند رجل أعمال تركي فدارو من شحال هادي، وفواحد نهار قاليها أنه الأب الشرعي ديالها، بعدما خبا هاد السر 71 عام بلاما يعرف حتا واحد.
صحيفة "صباح" التركية قالت إن الأحداث ديال هاد "القصة الدرامية" وقعات فولاية مانيسيا التركية، فالخمسينيات من القرن لي فات، ملي حملات أوميت إتيوزين لي كان فعمرها 21 عام، من نيازي أوزمز، لي كان فعمرو 16 عام.
ديك الوقيتة تزوجات أوميت بأنور زورلوكايا، لي كان كيخدم حارس فمصنع الطوب ديال الأب ديال نيازي، هاد أنور فلول كان باغي يطيح ليها بنادم ملي عرفها حاملة ولكن بقات فيه، أو تولدات البنت وهو لي تكلف بالتربية ديالها.