البارصا ربحو ريال مدريد فكلاسيكو أميكال فمريكان

ربح البارصا الغريم ديالو ريال مدريد فكلاسيكو اسباني جديد بين الفريقين، تلعب ليلة السبت- الاحد فالمريكان، برسم بطولة جولة أبطال كرة القدم الودية.
وسالا الكلاسيكو بين البارصا وريال مدريد بنتيجة 3 لزيرو لمصلحة البارصاويين، وماركا لهم كل من عثمان ديمبلي فالدقيقة 15، وضيع فينيسيوس جونيور بيلانتي لريال مدريد فالدقيقة 20، وزاد فيرمين لوبيز الهدف الثاني للبارصاويين فالدقيقة 85، وفيران توريس الثالث فالدقيقة 90.
للاشارة فالكلاسيكو عرف مشاركة الدولي المغربي عبد الصمد الزلزولي كبديل مع البارصا، ودخل فالشوط الثاني.