70 جمعية ديال مغاربة اسبانيا راسلات المجلس الانتخابي المركزي بسباب اللوحات الإشهارية المسيئة لرموز المملكة وحسابات إخبارية كترجح تورط مخابرات الكابرانات

albayancom0@gmail.com
صيفطات حوالي 70 جمعية ديال مغاربة اسبانيا، مؤخرا، رسالة إلى رئيس المجلس الانتخابي المركزي ميغيل كولمينيرو مينينديز دي لواركا، فيها إدانة قوية للملصقات واللوحات الإشهارية اللي نشراتها جبهة عمالية ماركسية خبارها مقطوعة هادي 20 عام، واللي هاجمات فيها المغرب ورموزه الوطنية.
وأدان الموقعون ف الرسالة هاد الممارسات والسلوكيات البغيضة ضد المغرب واللي ركزات عليها بشكل كبير الصوحافة الصفرا ديال الكابرانات، مما رجح إمكانية تورط مخابرات الجزائر فهاد التبرهيش ديال الرسوم الكاريكاتورية المسيئة للمغرب ورئيس الحكومة الإسبانية.
وكشف حساب إخباري على موقع التواصل الاجتماعي تويتر، أن القائمين على تعليق تلك اللافتة تلقوا تمويلا بقيمة 5 ملايين يورو من سفارة الجزائر في مدريد. هاد الشي ماشي بعيد على الكابرانات اللي دايرين تعبئة كبيرة وسط الذباب الإلكتروني ديالهم، من أجل استغلال الحملة الانتخابية بإسبانيا، لمواصلة الاستفزازات الممنهجة التي تروج لها جهات معادية للوحدة الترابية وتستهدف العلاقات الديبلوماسية بين المملكة المغربية والإسبانية.