باغين يديروها بصح.. زوكربيرغ كيدرب مع جوج ديال الأبطال من UFC باش يوجد راسو لمضاربة ديال ماسك

مارك زوكربيرغ كيوجد فراسو باش يدير تحدي القتال ضد إيلون ماسك مول شركة تويتر.
ونشر مارك زوكربيرغ بزاف ديال تصاور فإنستݣرام ديالو مع لاعبين ديال الفنون القتالية، وكيبين البنية الجسدية ديالو شحال قوية.
زوكربيرغ موجد راسو ديال بصح وكيقول على أنه طموح فالفنون القتالية المختلطة، وسبق ليه وربح فبطولات لعبة الجوجيتسو، وهي لعبة يابانية كتعتمد على فنون الدفاع عن النفس.