الجامعة: اللي ما عندوش تيكي فينال كأس العرش بين الرجاء وبركان ما غيدخلش للتيران

أكدت الجامعة الملكية المغربية لكرة القدم، أن الجماهير اللي غتحضر فينال كأس العرش بين الرجاء الرياضي ونهضة بركان، خاصها ضروري تكون عندها تذاكر واللي ما عندوش التيكي ما غيدخلش للتيران.
أعلنت اللجنة المنظمة لنهائي كاس العرش اللي غيجمع فريقي نادي الرجاء الرياضي والنهضة الرياضية البركانية ، برسم الموسم الرياضي 2020-2021 أن أبواب المجمع الرياضي الأمير مولاي عبد الله بمدينة الرباط، غتكون مفتوحة أمام الجماهير اللي تتوفر فقط على التذاكر.
للإشارة فتذاكر فينال كأس العرش بين الرجاء الرياضي ونهضة بركان عطاتهم الجامعة الملكية المغربية لكرة القدم للرجاء وبركان باش يوزعوهم فابور على الجماهير ديالهم، وراه بدا التفراق ديالهم صباح اليوم الجمعة بكازا وبركان.