الجزائري إلياس الشتي وصل للمغرب وبارك بفندق فكازا باش يسني الصفقة مع الوداد

جا الدولي الجزائري إلياس الشتي إلى المغرب، باش يسني بشكل رسمي مع الوداد الرياضي، استعدادا الموسم الجاي.
وكشفت مصادر مطلعة، أن اللاعب الجزائري إلياس الشتي وصل البارح بالليل إلى مدينة الدار البيضاء عبر رحلة جوية، وهو كاين دابا فالفندق اللي كيبرك فيه فريق الوداد الرياضي وسط كازا، وكيتسنى اللقاء مع مسؤولين الواك باش يكمل الصفقة ويسني 3 سنوات اللي اتفقو عليها.
وكيلعب إلياس الشتي مول 28 عام كظهير أيسر، وسبق له لعب مع الترجي التونسي وفسخ العقد ديالو قبل شهرين مع إنجي الفرنسي، وهو من العناصر اللي بانت مع المنتخب الجزائري خلال السنوات الأخيرة.