المغرب عتق 4 ونتاشل جثة.. النيابة العامة فجزر الكناري فتحات تحقيق فقضية وفاة 61 حراگ

Elouali.zaz.1987@gmail.com
قالت تقارير إخبارية إسبانية، أن النيابة العامة فجزر الكناري طالبات بفتح تحقيق فقضية القارب لي غرق قرب سواحل جزر الكناري.
وأضافت المصادر، أنه جرى فعليا فتح تحقيق جنائي للإشتباه فجريمة عدم تقديم المساعدة للمهاجرين لي ماتو، وعددهم 61 شخص نهار 21 يونيو الماضي.
وفاة هاد المهاجرين كانت فيها قصص بزاف، لأن انقلاب القارب وقع فمنطقة ما معروفش لمن تابعة، قبل ما يقولو بأنها قريبة من مياه جزر الكناري، بحيث وقع تنسيق بين المغرب وإسبانيا على شكون يدخل وينقذ الحراگة، ودخلات سفينة تابعة للبحرية الملكية وعتقات 4 ديال الحراگة ونتاشلات جثة، فالوقت لي كان فيه القارب غرق.
فإسبانيا كانت محاولات كبيرة لتوريط المغرب فالقضية واستغلالها لأسباب سياسية باش يضرب الإعلام رئيس الحكومة الإسبانية، بيدرو سانشيث، بسباب موقفو من نزاع الصحرا ودفاعو عن تعاون المغرب فمجال الهجرة، وهادشي قبل انتخابات 23 يوليوز المقبل.