مدرب ألماني مرشح ياخذ بلاصة الكبير فالرجاء

كيقلب الرجاء الرياضي على مدرب جديد للفريق ياخذ بلاصة التونسي منذر الكبير، اللي علن النادي أن الغياب ديالو على خدمتو بالفريق كيعني الانفصال ديالو على الخضرا من جانبو هو كمدرب.
وكشف مصدر مطلع، أن إدارة الرجاء الرياضي كتقلب على مدرب أجنبي وماشي عربي أو إفريقي، وبالضبط من أوروبا، وعلى الأقل تكون عندو تجربة سابقة مع الكرة الإفريقية أي سبق له درب شي فريق فلافريك.
ومن الأسماء المرشحة دابا حسب نفس المصدر، كاين المدرب الألماني جوزيف زينبايور، وهذا مدرب من مواليد 1970، وسبق له درب هامبورك الألماني سان جاليت السويسري أورلاندو بيراتس الجنوب الإفريقي، ولوكوموتيف موسكو الروسي.
إدارة الرجاء الرياضي مازال لم تحسم بعد فالهوية ديال المدرب الجديد للفريق، وهي مطالبة بأنها التعاقد فوقت مستعجل مع واحد ياخذ بلاصة التونسي منذر الكبير، حيث الخضرا عندها دومي فينال فكأس العرش ضد فريق الوداد الرياضي فديربي جديد هذا الموسم.