مقرب من حسبان: سعيد ما عندوش مشكل يحضر اجتماع بودريقة المنافس ديالو على رئاسة الرجاء مع المنخرطين

يقدر يحضر سعيد حسبان المرشح لرئاسة الرجاء الرياضي اجتماع محمد بودريقة المنافس ديالو على المنصب مع منخرطي النادي، وهذا الشي اليوم الأربعاء بواحد لوطيل بكازا.
وكشف مصدر مقرب من سعيد حسبان، الآن الأخير منفتح على المنافس ديالو محمد بودريقة وعلى اللي معه فاللائحة وما عندوش مشكل أنه يحضر اجتماع ديالهم مع المنخرطين واللي غيشرح فيه بودريقة البرنامج ديالو لبرلمان النادي.
نفس المصادر، أكدت أنه وإلى حدود كتابة هذه الأسطر فحضور سعيد حسبان اجتماع بودريقة والمنخرطين كيبقى ممكن، ولكن مازال لم يحسم بعد إن كان غيحضر فيه أو لا، مع العلم أن الاجتماع غيبدا اليوم الأربعاء مع 7 لعشية.