المحامي ديال ترامب متهم بالاعتداء الجنسي.. مراة حطات شكاية فيها 70 صفحة

رفعات مراة دعوى ضد رودي جولياني، رئيس بلدية نيويورك السابق والمحامي السابق ديال دونالد ترامب وتاهماتو بالتحرّش بها كثر من مرة والاعتداء عليها جنسيا ملي كان خدام لحساب ترامب.
نويل دانفي حطات شكاية فيها 70 صفحة، وقالت أنها كانت خدامة عند المحامي السابق لترامب في الفترة ما بين يناير 2019 ويناير 2021 وديك الوقت وقعات الواقعة.
وفي الدعوة السيدة مكتستخدمش كلمة "اغتصاب" لوصف الاعتداء الجنسي لي كتقول إنها تعرضات ليه من جانب جولياني، لكنها تفصّل واقعة تؤكّد أنه بزز عليها ممارسة الجنس ملي كانو في سهرة وسكرو.
وأكدات المدّعية أن عندها تسجيلات صوتية كتأكد أنّ رئيسها السابق كان كيتحرّش بها جنسيا.