مستشار فالرباط حط شكاية ضد مواطن اقتحم أشغال دورة ماي دار حركة بهلوانية "هاهو" وعطاتو العمدة الميكرو يسب فيه

دورة ماي بجماعة الرباط عرفات أحداث غريبة وعجيبة لدرجة أن مواطن اقتحم قاعة الاجتماع وبدا يسب فمستشار كيعارض العمدة أسماء اغلالو. الحادثة مشات للقضاء.
المستشار المعني هو هشام أقمحي عضو فالأغلبية دار شكاية إلى النيابة العامة كيتهم فيه المواطن لي بان فشريط فيديو بالاعتداء عليه وسبه.
الشخص الغريب خدا الميكرو من عند العمدة أسماء اغلالو، وهادشي لي خلا المستشار يتهم العمدة بأنها وراء استقدام الشخص باش يهاجمو حيث كيختلف معها.
الحركة لي دار المواطن ضد المستشار فيها يد مرفوعة اللي كتبين بلي كيقول ليه "هاهو".