صامبو يقدر يلعب مع الوداد ضد صن داونز بجنوب إفريقيا

كاين أمل فمشاركة صامبو جونيور مهاجم الوداد الرياضي مع الفريق أمام صن داونز الجنوب إفريقي فماتش إياب دومي فينال عصبة أبطال إفريقيا، واخا توعت البارح فماتش الذهاب ضد نفس الخصم بستاد دونور.
وكشفت مصادر مطلعة، بلي الفحوصات اللي خضع لها صامبو جونيور مهاجم الوداد أنه موعت فرجليه ولكن ماشي بنفس الحدة اللي كان كلشي كيتخيل، حيث اللاعب ملي تصاب بدا كيبكي وهزوه أفراد الوقاية المدنية على البياص باش خرجوه من الماتش حيث ما قدرش يكمل المباراة، وبعدها بان ما قادرش يمشي وكيعرج.
وحسب نفس المصادر، فاللاعب غيخضع لبرنامج علاج مكثف من الطاقم الطبي للوداد اللي غيديرو كل مجهوداتهم باش يحاولو يوجدوه لماتش الروتور.
وكان البلجيكي زفين فاندنبروك مدرب الوداد الرياضي قال البارح من بعد نهاية الماتش، أن صامبو موحال يكون فماتش الروتور ضد صن داونرز بجنوب إفريقيا بسبب الإصابة.