صداع الأستاذ للي نزلوه من طائرة لارام بمطار لاس بالماس باقة فيه تداعات.. وزارة التعليم العالي دخلات على الخط

واقعة الأساتذة لي كانوا على متن رحلة طيران تابعة لطائرة الخطوط الملكية المغربية، وتدخلات الشرطة الإسبانية لإنزال أحدهم بمطار لاس بالماس، ما زال غتكون عندها تداعيات.
فحسب ما أكدته مصادر متطابقة، ل"كود"، تتجه وزارة التعليم العالي والبحث العلمي والابتكار باش تستفسر الأساتذة على آش وقع على متن الرحلة، بعدما خرجات رواية كتقدم تفاصيل أخرى معاكسة لداكشي لي سبق خرج، ولي جا فيها أن 5 ركاب نزلاتهم "لاكوارديا سيفيل" ديال "لارام".
ووفق ما سبق وأكدو مصدر ل "كود" كلشي بدا باش واحد كيقدم راسو أستاذ جامعي بوقاحة مشى لبلاصة ماشي بلاصتو. راكب فكار عريبات. المشكلة يؤكد مصدر "كود" ماشي حتى تبدل ما تبدل واخا هاد الشي ما فيهش ملاغة فجميع شركات الطيران فالعالم، المشكل أن مضيفة هاد الطيارة (أ. تي. ار) قالت لهاد الزبون، رجع لبلاصتك. السبب هو انو برك فكرسي فيه منفد للطوارئ.
مصدر "كود" أضاف باللي باش قالت ليه نوض بقى كيردد "راني مريض"، ووو ووصلات بيه الوقاحة حتى قال ليها "واش بغيتي نحيد سروالي باش تتأكدي"، هنا أكد مصدر "كود" جا البيلوط واتصل بسلطات المطار للي طبقات القانون.
مصدر "كود" أضاف باللي داك الأستاذ باش شاف القضية صعيبة عاد بغى يبدل لبلاصة ولكن هاد الشي جا معطل. المصدر أكد باللي البيلوط دافع علي المضيفة وطبق القانون ولا شيء غير القانون.