شيرين في العزل:متعة الصلاة تفوق السهرات ولست خائفة من انتقاداتكم

أكدت المطربة المصرية شيرين عبد الوهاب أنها تشعر بالمتعة في صلاتها أكثر من أي سفرية أو أي سهرة، مشيرة إلى مواظبتها أداء الصلوات في فترة العزل الصحي، ضمن الإجراءات الاحترازية لمنع تفشي فيروس كورونا.
وشكرت شيرين الظروف التي أجبرتها على البقاء داخل منزلها في الفترة الماضية لأنها صارت أقرب من ابنتيها وعائلتها.
وفي سلسلة من التغريدات عبر حسابها على موقع « تويتر » قالت شيرين: « أنا بشكر الظروف اللي إحنا فيها بالرغم من قسوتها عشان نقعد في البيت ونقرب من أهالينا ونشوف ولادنا. أنا ما بحبش أتكلم عن صلاتي عشان دي حاجة بيني وبين ربنا بس أنا حاسة إن الناس اتغيرت، الحاجة الحلوة اللي فيهم ابتدت تطلع وأولهم أنا ».
وأضافت: « ساعات لما كنت بصلي كنت بحس إني بعمل الواجب أو أسرح في الصلاة أنا هعمل غداء إيه النهارده، بس الواحد لما بيقف قدام ربنا ويركز في الكلام إلي بنقوله زي ما بنقول في الفاتحة « الرحمن الرحيم » هو فعلا رحمن وحنين وأحلى حاجة في الدنيا ».
وتابعت: « زمان كنت بقول الآيات وأنا مش بركز فيها دلوقتي وأنا بركز في الآيات لآخرها بحس إن ربنا بيشفيني وبيداوي كل حاجة حاسة بيها، أنا بقول ده ومش خايفة من التعليقات اللي هتيجي ».
واختتمت تغريداتها قائلة: « أنا نفسي كله يحس الإحساس اللي كنت حاساه وأنا بصلي صلاة المغرب والسنة، متعة تانية أحلى من أي سفرية أو أي سهرة. ربنا يثبتنا ويعدينا من إلي إحنا فيه ويارب ما نتغيرش ونفتكر اللي إحنا فيه دلوقتي ».
ساعات لما كنت بصلي كنت بحس إني بعمل الواجب أو أسرح في الصلاة أنا هعمل غداء إيه النهارده، بس الواحد لما بيقف قدام ربنا ويركز في الكلام اللي بنقوله زي ما بنقول في الفاتحة "الرحمن الرحيم" هو فعلا رحمن وحنين وأحلى حاجة في الدنيا.
— Sherine Abdel-Wahab (@sherine) April 10, 2020