مرحبا للكل ، مشكلتي كبيرة ، انا تزوجت غصب عني ، ومع هيك مشت الحياة بصعوبة ، ومع اني ما كنت شايفه زوجي الانسان المناسب ،ولا الانسان الي بيستحق قلبي ، مع هيك ضليت مكملة معه ، الموت كان اهون علي من هيك حياة ، بس ما باليد حيلة ، حكم القوي على الضعيف . توقعت انو يحطني بعيونه لاني اصغر منه ، بس العكس صار ، اكتشفت بشخصيته اشياء غريبة ، متل انه ما بيحب يهتم بنظافته الشخصية ، ما بيعرف يتكلم مع الناس باسلوب لبق ، كنت استحي منو ولهلاء بستحي منو ، برفض اطلع معو على السوق ولا بأي مشوار لانو دايما بيحرجني بكلامه وبلبسو ولانو اكبر مني وما عنده شخصية ولا عنده وسامة ، كتير بيتمسخرن رفيقاتي علي هاد هو زوجك . حاولت اغيرو ولهلاء بحاول بس ما في امل يتغير ، بيحكيلي انا هيك عجبك عجبك ما عجبك بلاش ، ماسكني من ايدي الي بتوجعني ، عارف اني ما رح اتركو بسبب ابي لانو رافض اني اطلق ، بيحكيلي المهم زوجك بجيبلك اكل وكتير بقلي ضل راجل ولا ضل حيطه. طيب انا مش مقتنعة فيه ، تعبت من التفكير فوق كل هاد من اول ما تزوجت وبنات حماي ما بعاملوني منيح ، وانا الله بيشهد اني بعاملهم متل اهلي واحسن ، حتى سلفتي بتشبك عني مع انها ما بتحبهم ، بس هي هيك ، قلبها بيحقد ، مع اني ما عمري قصرت فيها وبعاملها متل اختي الكبيرة . اخر فترة حماي مرض واخدته عندها مش حبي فيه بس كرمال الناس يحكو انها هي الي بتقوم فيه ، وانا الله بيشهد كنت انزل عنده واطعمو بيدي واحن عليه ، مش لانو بدي الناس يحكو عني منيحة ، لا انا بعرف حالي ، والناس بتعرفني . هيك الي مدة تعابني ، مش المفروض انا متل بنتهم ليش هيك بيعملو في ؟ ..ما بكفي عمري ضاع مع ابنهم وانا لساتني بداري فيه . بنات حماي بيجين على سلفتي وانا لا ليش ؟ القوي الي بوجهين بصير الكل بالكل والطيب بتروح عليه وبصف ع جنب ، وانا ما بستاهل كل الي بصير في وصابرة . جوزي بعامل سلفتي احسن ما بعاملني ، وانا بضل بالبيت ببكي ، ليش هيك ؟ ليش بحطمو في ؟ بدهم يمرضوني ؟ تعبت من البكى تعبت منهم ، انا ما بقدر اعيش بين ناس هيك قلبهم بيحمل وما بحب . ممكن تحكو الغلط منك ، انا انسانة بالنهاية ، اكيد في اغلاط بس مو لدرجة انو يصير في هيك ، يمكن طيبتي اكبر همومي ، حاليا بحاول اغير بزوجي من كل النواحي وبحكيلو يدور على شغل هو دارس كهربا بس بخاف يشتغل فيها احيانا بحسو بحب الراحة ما بدو شغلة تعبة ، مع انو كل الرجال بشتغلو وبتعبو ، بس هو عنيد . أنا دايما بقول يا رب يتغير ، ادعوا معي يتغير واهلو يحنن قلبهم علي .
