دمنات : حركة 20 فبراير - بغينا خبزة أو كوميرة مابغيناش شاكيرا

موعدنا نهار الأحد 22 ماي، مسيرة شعبية غادي تنطلق مع الخمسة والنصف ديال لعشيا من قدام مسجد القصبة
أجيو نديرو اليد فاليد باش نقولو لدوك الشفارة اللي كيسر قو خيرات بلادنا باركا...... رآه عقنا بيكم أو رآه نهايتكم وصلات وحنا رآه ماغديش نتراجعو أو مامفاكينش وماساكتينش وخا تجيبوا الدبابات أو دوزهم من فوق ريوسنا ،اليوم هاد الحكومة ما بقى مادير عدنا أو خصها تهز قلوعها أو ترحل بلا رجعة هي وداك البرلمان،أو نزيدو نأكدو أننا :
- بغينا نحا ربو البطالة وغلاء المعيشة وارتفاع الأسعار وغلاء فاتورة الماء والكهرباء.
- بغينا سكن لائق للجميع وجودة الصحة والتعليم ويكون فابور.
- بغينا المساواة والعدالة والكرامة وحرية الرأي والتعبير وإعلام حر ونزيه.
- وبغينا تقسيم عادل لخيرات بلادنا على المغاربة كاملين.
- بغينا دستور نابع من إرادة الشعب.