قصيدة جزلية : واخيرا جا موازين

المدينة واقفة و تنين
على زوج رجلين
لفلوس موجودين
وماشي مهم منين
ولا اش كال الدين
ولا الامتحانات
اللي جايين
الفراجة غادية تحضر فالحين
هذا موسم موازين
كالوا شي بنات
عند العتبة مجمعين
مالنا في القنط غارقين
وفي الهم واحلين
من الرجلين
حتى الودنين
لا خدمة ولا زواج
ولا سعد حنين
جاب الله لينا
وقت ناشط و زوين
مع موسم موازين
نمشيوا للساحة حنا اللولين
نديروا بلاصة مع المقصرين
وخا يكونوا شوية ضاصرين
والله يخليلنا ديما موازين
ونبقاو ديما نشطين
بالله عليكم نعلو الشيطان
هادو ْنْهْبُوا خِيرَاْتكْ وْحْقُوقْ اوْلاَدْ كم
ومَا هْمْهُم التْدْبِير
قِيمْتْكْ عْنْدْهُومْ فِي التالِي
ومَاشِي مُهِمْ التآخِيرْ
فِي يامْكْ وْلاَ فْمْكَانْتْك بِين الغِيرْ
صْبْحُوا بِبَانْكْ مْفْتُوحِين للْعَادِي والبَادِي
للي فْبَالُو لْغْدْرْ او اللي نَاوِي الخِيرْ
هذا موسم موازين
كال العمدة لحنين
للعمال و الموظفين
وللاصحابو الوافيين
موسمنا ما ليه مثيل
عليه فليسات خاسرين
فيه فنانة دوليين
وخى شوية مفششين
من بعيد جايين
ومعاهم ناس اخرين
بغيت المدينة تنشط
و ناسها يبقاوا ساهرين
وعلى الشطيح متحدين
و عالقصارة متضامنين
راه الانتخابات جايين
و غادي يخصنا لعوين