أخنوش من تطوان: "الطالبي العلمي من الركائز ديال حزب التجمع بالمنطقة ونفتخر بالعمل ديالو"

قال عزيز أخنوش رئيس حزب التجمع الوطني للأحرار، أن "برنامج الحزب جا من عند المواطنين، وتم الاستماع والاستشارة مع 300 ألف مواطن، ووضعنا 5 التزامات و25 إجراء، مرقمين في إطار برنامج سنوي اللي عجب المغاربة.. المواطنين فينما مشيت خلال هاد الجولات، وفي أول لقاء كيقولولي البرنامج ديالكم فالصواب وعجبنا، ويمكن ليكم تعولو علينا".
وأضاف أخنوش في لقاء تواصلي اليوم في تطوان في إطار الحملة الانتخابية، "كنطلب منكم زيدو فالشرح والتواصل والعلاقة مع المواطنين باش يفهمو أكثر أبعاد هاد البرنامج، وباش يعرفو كاينة كفاءات في الحزب اللي ممكن ينزلوه على أرض الواقع وينجحوه".
وأكد أخنوش، أن "الوزراء ديال الأحرار اللي دازو فالحكومات الأخيرة -ومنهم سي الطالبي لي هو من الركائز ديال حزب التجمع بالمنطقة ونفتخر بالعمل ديالو- بينو على أنه الحزب عندو إمكانيات كبيرة وحققو نتائج إيجابية.. وهاد النتائج خلات للحزب جاذبية كبيرة وعادي أنها خلقات واحد المنافسة وشي ناس معجبهومش الحال ولكن خاصكوم تشوفو القدام لأنه الحقد مخاصوش يكون فالسياسة.. المواطن باغي البديل والتغيير وغيقول كلمتو، والمغاربة كيقولو عيينا وبغينا الكفاءات".
وختم أخنوش بالقول، "سوف نكون فالموعد، ودابا نوقفو على دكشي اللي كنواعدو، يمكن ليكم تعولو علينا.. الانتخابات ماشي فالمواقع الاجتماعية واخا المهم الحضور فيها، ولكن المهم أكثر هو التصويت نهار الأربعاء، ويصوتو على الحمامة.