كارديشيان إنزكان وماجاورها: سلخوها الزغيبية !

ندى حاسي، المعروفة عند المواقع الجاهلة بلقب « كارديشيان المغرب » الله يسمح ليهم على هاد المقارنات مساكن، سلخوها شي مجهولين نهار الأحد فأكادير.
شي حد تعرض للدرية اللي موالفة تصور الأعضاء الجسدية ديالها وتحطهم فالأنترنيت، وحاول يكبر ليها عضو جديد هاد المرة هو النيف.
ندى مسكينة بانت فواحد الفيديو وهي كتسول داك اللي ضربها « شنو درت ليك؟ واش أنا كندير شي حاجة خايبة؟ واش حنا كنصورو البورنو؟ علاش تهرس ليا نيفي وطوموبيلتي ؟ »
فالحقيقة أسئلة مشروعة، والضرب حنا ضدو ديما، ولكن عاوتاني هاد الشي ديال بنادم مايلقا مايدير يلبس السورفيت ويبدا فالتصاور حتى هو شوية خايب.
المهم فالخلاصة فالبلاصة: الله يهدي الناس ديالنا على ريوسهم، راهم هترو، وفي رواية أخرى راهم مشا ليهم العقل وفالرواية الثالثة « بنادم راه طار لو الفريخ وصافي »