المرابطي: قررت أنني منعملشي التقة ديالي فالمسجد

طالبة باحثة بجامعة عبد المالك السعدي بتطوان
هادي تقريبا شي ثلاث سنوات قررت أنني منعملشي التقة ديالي فالمسجد حيت ممكن نتعبد الله فأي مكان ماشي بالضرورة فشي مكان معين و الله موجود فكل مكان .. المسجد واحد المكان لي كيقدسوه و لكن أنا لاء كنعتبرو مكان كيتجمعو فيه بزااف ديال الناس أشكال و أنواع و كل واحيد علاش كيدخل ن المسجد النية تختلف !
عادقولي علاش قررتي هاد القرار و انا غادي نجاوبك و نقولك هادي ثلاث سنوات سمعت خبر ديال واحد الفقيه اغتصب طفل كيحفضو القرآن قال ن الأطفال كولشي مشيو و قال نديك الطفل الضحية بقا فالأول مصدقتشي و كذبت كنت كنعتقد بلي ان رجل دين عندو أخلاق و مبادئ و كنت كنشوفو بحال الملاك لكن الآن اختلفت النظرة ديالي ليلوم بزاف "مكنععممشي " و بحكم انني مصدقتشي مشيت تأكدت بنفسي من الخبر و جبرت بلي فعلا القصة حقيقة و تلاقيت بالأم ديالو لي باقا لدابا صوتها فودني لي بغا يخرج على وليداتو يصيفطوم للجامع أما واحد الشاب من عائلتو قالي بصريح العبارة لو كنت نقدر نهز سيف و ندخل ن المسجد و نبدا نشرح فلي عمل و لي ما عمل .
و اليوما بالضبط و نظرا للجريمة لي وقعات ف الملاح تفكرت هاد الكلام لي قالي حيت أي الجريمة مجاتشي من فراغ الجريمة نتيجة و ممكن يكون المجرم بدوره هو الضحية .