توصل موقع " ناظور 24 " بنداء لتنسيقية دعم حركة 20 قبراير بالعروي يقضي بتنضيم مسيرة شعبية جديدة بالمدينة احتجاجا على مجموعة من النقط السوداء التي ، تشوب المدينة وتأثر على سكانها وقد حدد النداء ساحة المسيرة الخضراء امام مقر البلدية كنقطة انطلاق المسيرة الشعبية لتجوب عددة شواع ومحطات وهذا سيكون بدعم وانخراط لكافة الاطر والهيئات النقابية والجمعوية والاعلامية والحركات الطلابية بالمدينة نص النداء : موعدنا نهارالحد 05 يونيو، مسيرة شعبية سلمية مع الخمسة ونصف ديال العشية (التوقيت الجديد) ساحة المسيرة قدام البلدية بمدينة العروي باش نقولو بصوت عال: • باراكا باراكا من الحكرة؛ • باراكا باراكا من الاستبداد والاستغلال؛ • باراكا باراكا من الزرواطة والقمع ؛ • باراكا باراكا من السرقة والنهب ؛ • باراكا باراكا من الرشوة والفساد ؛ • باراكا باراكا من الحكم الفردي ؛ • باراكا باراكا من الاعتقالات وطبخ الملفات ؛ ونقولو بصوت واحد : • اييه ،بغينا تحرير اقتصادنا من التبعية ؛ • اييه ،بغينا مجانية التطبيب والتعليم ..... ؛ • اييه ،بغينا حقنا في الشغل والعيش الكريم ؛ • اييه ،بغينا استقلالية القضاء ؛ • اييه ،بغينا لغتنا الأمازيغية تكون رسمية في الدستور ؛ • اييه ،بغينا إطلاق سراح المعتقلين السياسيين ؛ • اييه ،بغينا تحرير الإعلام من القبضة المخزنية ؛ • اييه ،بغينا مواطنة كاملة حيث حنا مواطنين ماشي رعايا. وباختصار ،حنا بغينا التغيير الحقيقي ولكن كيفاش ؟ • خاص هاد الحكومة تمشي فحالها مع البرلمان والمجالس الشكلية ؛ • خاصنا ضمان حرية التعبير ماشي اللي غوت على حقوق المواطنين يعطيوه الزرواطة ؛ • خاصنا دستور شعبي ديموقراطي نابع من إرادة الشعب ،ماشي مفروض علينا من الفوق وداك الشي علاش كانقولو : اللجنة ديال المانوني تمشي فحالها ؛ • خاص الدولة تضمن الخدمات العمومية وماتبيعش مصلحة المواطنين لشركات خاصة ؛ • خاصنا جميع المسؤولين يتحاسبو ويتراقبو ويتحاكمو إذا اقتضى الحال باش نقضيو على الفساد. جميعا من أجل الكرامة والحرية والديموقراطية والعدالة الاجتماعية نكونو جميع في الموعد يوم الحد 05 يونيو قدام بلدية العروي مع الخمسة ونصف
